На манифестација Case Study Show

Нелт се најде во улога на учесник, но и златен партнер, на овогодинешната манифестација Case Study Show во Белград. Во прашање е проект од едукативен и натпреварувачки карактер кој го организира студентската организација ESTIEM под покровителство на Факултетот за организациски науки.

Проектот е одржан по тринаесетти пат и се заснова на едукација на студентите и развој на натпреварувачкиот дух низ решавање на зададените студии на случај. И оваа година ги запознавме студентите од Белградскиот универзитет со нашата работа и отворивме можност за пракса.

Студентите од прва и втора година успешно ги решија мини студиите на случај додека студентите од завршните години се најдоа пред целосна задача, работејќи на Bussiness Case студија на случај.

„Учесниците покажаа креативност. Со цело срце ги повикавме да ја посетат нашата компанија и да учествуваат во реализација на кампањата на која работеа“, рече Милица Достаниќ, соработник за регрутација.

Победничкиот тим, составен од 4 студенти од Факултетот за организациски науки, нè посети на 25 март, и по тој повод, се запозна со Нелт. Студентите од првата година повторно покажаа креативност и овој пат создадоа рекламно решение со цел да привлечат потенцијални кандидати за стипендија во ИТ секторот. Нивниот предлог ќе биде разгледан и разработен, а нивните имиња ќе бидат наведени во оглас.