Grupi Nelt dhuroi për luftën kundra korona virusit

Kompania Nelt i dhuroi 240.000 eura Fondit të sigurimit shëndetësor të Republikës për blerjen e 10 respiratorëve për mjekimin e formave më të rënda të sëmundjes të Covid 19, ndërsa Neoplanta, e cila punon në përbërjen e Grupit Nelt dhuroi mallin në vlerën prej 6.000.000 dinara si pjesë e paketës për aksionin e ndihmës për 173.000 qytetarë të Beogradit më të vjetër se 65 vjeç me pensionet më të ulta.

Njëra prej kompanive tona private më të suksesshme iu përgjigj thirrjes së Dhomës Ekonomike të Serbisë dhe kryetarit të saj Marko Çadezh, dhe tregoi solidaritet në këto ditë të vështira si për vendin tonë, ashtu edhe për të gjithë botën.

“I dërgojmë të gjithë mbështetjen tonë punonjësve të mjekësisë në luftën kundër virusit dhe e vlerësojmë sakrificën me të cilën përballen me pandeminë. Donacionin që dhamë është kontributi ynë përkushtimit të tyre, si edhe të gjithë qytetarëve tanë, të cilëve u është i nevojshëm, që të gjithë së bashku të dalim si fitimtarë nga kjo situatë e vështirë”, tha Milosh Jeliç, drejtori ekzekutiv i grupit Nelt.

Në kompani theksojnë se ky është rast i shkëlqyeshëm që të përmenden edhe të gjithë ata njerëz të mrekullueshëm, të cilët punojnë në fushën e shpërndarjes dhe të logjistikës – dorëzuesit, punëtorët e magazinave, shitësit, ekspozuesit e mallit, shoferët dhe shumë të tjerë. Gjithkush që jep kontributin personal në funksionimin e të gjithë sistemit në kohën e situatës së jashtëzakonshme, nuk duhet të harrohet dhe duhet të lavdërohet.

Kryetari i PKS (Dhoma ekonomike e Serbisë) u shprehu falenderim të madh edhe të gjitha kompanive që morrën pjesë në aksionin e Dhomës Ekonomike të Serbisë dhe të qytetit të Beogradit për sigurimin e paketave për pensionistët, si edhe të gjithë ekonomistëve, të cilët paguan para nëpërmjet llogarive për nevoja të tjera dhe i bëri thirrje ekonomisë që edhe në këtë mënyrë të vazhdojë të tregojë solidaritetin e saj në veprim.

Neregelija dhe Montenomax, kompanitë e Grupit Nelt të cilat bëjnë biznes në tregun malazez, i dhuruan 20 mijë euro Trupit koordinues kombëtar për sëmundjet ngjitëse, për luftën kundër epidemisë së koronavirusit.

“Jemi të vetëdijshëm për situatën e rëndë që ndodhet para sistemit shëndetësor. Duke pasur parasysh këtë që bëjmë biznes në të gjithë Ballkanin perëndimor, caktuam mjete për ndihmën e të gjitha sistemeve shëndetësore, në secilin vend, duke përfshirë edhe Malin e Zi”, tha Ljilja Pizhurica, Drejtori ekzekutiv i Grupit Nelt për tregun e Malit të Zi.

Furnizimi dhe shërbimet logjistike, ashtu siç shton, janë me rëndësi të veçantë në momente të tilla.

Qëndrojmë të fokusuar në furnizimin e popullsisë në të gjitha tregjet, të cilëve prodhimet tona u janë të nevojshme, në mënyrë që sa më lehtë të kapërcejnë situatën e tanishme. Punëtorët tanë të magazinave, dorëzuesit, korrierët, shoferët, shitësit dhe ekspozuesit e mallit janë përditë në terren, por të gjitha proceset e biznesit, bashkë me përpjekje të mëdhaja, funksionojnë me stabilitet. Të gjitha aktet e brendëshme janë të harmonizuara me rekomandimet e organeve shtetërore kompetente dhe Organizatës shëndetësore botërore, por veçanërisht përpiqemi që të kujdesemi për të punësuarit, të cilët me përpjekjet e tyre në këtë moment të vështirë, me të vërtetë janë krenaria e kompanisë tonë”, thanë nga Grupi Nelt.

Kompania Nelt i dërgoi donacion në vlerën prej 40.000 KM institucioneve në Bosnje dhe Hercegovinë, në mënyrë që t’i ndihmojë për të mposhtur pandeminë e koronavirusit.

Fondit të solidaritetit të Republikës serbe i dhuruan 20.000 KM, Administratës Federale të mbrojtjes civile 8.000 KM, kurse Spitalit Kasindo në Sarajevën Lindore 4.000 KM. Përveç kësaj, Kryqit të Kuq të Ilixhës Lindore i dhuruan 800 maska dhe prodhime të Neoplantës, kurse në bashkëpunim me Ministrinë e tregëtisë së jashtme dhe marëdhënieve ekonomike BeH material mbrojtës dhe mjete dezinfektuese i dhuruan Shoqatës pomozi.ba nga Sarajeva, Spitalit Foça dhe fshatit Majçina Megjugorje.

“Në momentet kur sistemi i shëndetësisë ndodhet para sfidave të veçanta, Grupi Nelt i ndihmon çdo vendi me të cilin bën biznes në të gjithë Ballkanin Perëndimor, pra kështu edhe Bosnjës dhe Hercegovinës. Shpresojmë se donacioni ynë me të holla dhe prodhimet do të ndihmojë në këtë luftë të rëndësishme” tha drejtori ekzekutiv i Nelt-it për BeH Goran Cerovina.

Ai shtoi se edhe në këtë periudhë krize, edhe pse me përpjekje të mëdha, Nelt bën biznes në mënyrë të qëndrueshme, dhe se të gjithë punëtorët janë të mbrojtur dhe veprojnë në përputhje me rekomandimet e organeve kompetente.

NeltSt nga Maqedonia, i dhuroi ndihmën prej 20.000 euro punonjësve të shëndetësisë në luftën kundër korona virusit. Mjetet janë paguar në një llogari kontabiliteti të veçantë, të cilën e hapi Ministria e shëndetësisë pikërishtë për këtë destinim, dhe janë të përcaktuara për fuqizimin e shëndetit publik për shkak të pandemisë të virusit COVID-19.

Përveç kësaj, janë siguruar edhe 1.700 ballikë për të punësuarit në objektet e shitjes me pakicë, me të cilët Nelt bashkëpunon. Ballikët do të ndahen dhe do të shpërndahen në ditët e ardhshme.

“Ne jemi të vetëdijshëm për sfidën me të cilën të gjithë përballemi, si edhe për këtë që ngarkesa më e madhe sigurisht është mbi punonjësit e shëndetësisë. Për këtë shkak Grupi Nelt siguroi donacionin në të gjitha vendet e Ballkanit Perëndimor. Përveç ndihmës me të holla, në Maqedoni do të dhurojmë edhe 1.700 ballikë të destinuara për të punësuarit në objektet e shitjes me pakicë, të cilët i firnizojmë”, tha Zoran Stojçevski, drejtori ekzekutiv i Nelt-it për tregun e Maqedonisë.

Kompania jonë është e drejtuar në furnizimin e vazhdueshëm të popullsisë me prodhimet e nevojshme, në mënyrë që e gjithë situata të kalohet sa më lehtë. Dorëzimi i përditshëm i mallit objekteve të shitjes është i qëndrueshëm dhe i vazhdueshëm.

“Në Nelt vazhdimisht ndjekim udhëzimet e organeve kompetente dhe masat e preventivës në mënyrë që të mbamë hapin me praktikat më të mira në përballjen me virusin dhe ngadalësimin e përhapjes së tij. Kujdesi i sinqertë për shëndetin dhe sigurinë e të gjithë të punësuarve tanë, blerësve dhe partnerëve të biznesit janë prioriteti ynë dhe prandaj ndërmorrëm menjëherë masat mbrojtëse në aktivitetet e përditëshme të biznesit, të cilave u përmbahemi vazhdimisht”, thanë nga Nelt-i.